О проекте

"Алмалы" cауда орталығы - бұл қаланың мәдени- тарихи бөлігінде, Республика алаңында орналасқан алғашқы жерасты сауда және ойын-сауық орталығы. Қазіргі уақытта жоба қайта құру және қайта тұжырымдау сатысында.

Қайта құру мақсаты - қауіпсіздікті күшейту үшін ғимарат құрылымдарын нығайту. Құрылыс жұмыстарын жүргізу кезінде инновациялық технологиялар қолданылады, құрылыстың қауіпсіздігі тұрғысынан әлемдік сапа стандарттары сақталады.

 Жақында «Алмалы» жаңа қызықты форматта ашылады. Алмалы қалалық өмірдің эпицентріне айналатын жасыл қоғамдық кеңістік тұжырымдамасын жүзеге асырады. Орталықтың көп функционалды плазасында мәдени және ойын-сауық шараларын жүргізуге арналған амфитеатр, PAUL наубайхана-мейрамханасының кафесі, гастрономиялық ас үй мейрамханасы, психологтармен бірлесіп әзірленген ерекше балалар алаңы, паркур аймағы және паблик арт нысандары орналасатын болады.

 Орталықтың бір ерекшелігі - бұл бос уақытты ұйымдастыруға баса назар аудару. Келушілер әр түрлі елдердің тағамдарынан дәм татып, қол жетімді бағамен ТМД дизайнерлерінің эксклюзивті киімдері мен аксессуарларын сатып ала алады, сонымен қатар отбасыларымен және достарымен сапалы демалыстар өткізе алады. 

Cауда орталығы ретінде біздің басты мақсатымыз келушілерге келесі қажеттіліктерді қанағаттандыратын нысанды әлеуметтік ыңғайлы кеңістік ретінде қабылдауға мүмкіндік беру:

 - Қауіпсіздік

 - Қол жетімді және ыңғайлы орналасу

 - Достармен кездесуге және балалардың көңіл көтеруіне арналған орындардың болуы

 - Тұрмыстық мәселелерді шешу мүмкіндігі (қызметтер жиынтығы, азық-түліктер, киім сатып алу)

 - Өмір сүру сапасын жақсарту (мәдени өмірді қолдау және дамыту)